Sunday 21 October 2012

KIA hpyen la ni hte Tai hpyen ni gasat poi byin


2012 October,16 ya shana hkying 9:00pm ten  kawn 17 ya jahpawt 7:00am ten laman, Hkang Kai bum kaw nga ai Tai hpyen
Hk.L.Y (142) dap ni Masat (5) Dap Ba Daju npu Dap Dung (24) ginra Mansai mare de laknak kaba 120mm (6) lang gap bun ai hta mare makau kaw hkrat nna, mung mare masha ni a dum su (11) daram hkra hkala mat ai lam na chye lu ga ai.Ndai laman hta Tai hpyen ni hpyen n-gun jat bang wa ai sha n-ga laknak kaba ni hte mung aten ntam gap wa ai lam ni nga ai.


Ning htoi (17) ya jahpawt 2:00am ten hta mung, Daw hpum yang ning htawn Mansai mare kaw,Tai hpyen Hk.L.Y (320) dap ni hte Dung (24) na KIA hpyen la ni gasat poi byin ai lam chye lu ai.matut nna jahpawt 9:00am ten Nam San Yang mare mahkrai pawt kaw nga ai Tai hpyen Hk.M.Y (381) dap hte KIA hpyen la ni gasat poi byin nna dai gasat poi hta Tai hpyen maga na (1) si ai lam chye lu ai.

No comments:

Post a Comment

 
Copyright © 2012. WUNPAWNG KACHIN VERSION . All Rights Reserved
Wunpawng Online News Powered by WUNPAWNG