KIA Masat (4) Dap Ba Daju npu Dap Dung ni hta gasat poi byin

Written by Yung Zaw

KIA Masat (4) Dap Ba Daju ginra, Lahta Sammung Lashio mare kaba kawn Ga Leng mare de lung wa ai lam lapran na
Mung Yin mare hte Mansan Awn mare makau kaw, 2012 October, 12 ya jahpawt hkying 9:25am ten hta, Dap mying n chye ai Tai Hpyen hpung langai, hpyen n-gun (150) daram hte KIA Dap Dung (8) na hpyen hpung ni gasat poi byin ai lam chye lu ai. Ndai gasat poi hta lahkawng maga na si, hkala ai lam nchye lu shi ai.

Matut na hkying jahpawt 10:00am ten hta mung KIA Dap Dung (2) ginra, Ta Mu Nye mare hte Pyin Lung mare kaw du nga ai Hk.L.Y (290) dap ngu maram lu ai hpyen hpung hte KIA Dap Dung (2) na hpyen hpung ni gasat poi byin ai hta tai maga na marai (5) si nna (2) hkala ai lam chye lu ai.

Matut nna Shana daw hkying 1:00pm ten hta mung, Mung Ji mare kawn lung wa ai Dap mying nchye ai Tai Hpyen hpung langai hte KIA Dap Dung (2) na hpyen hpung ni Man Sa mare makau kaw bawm majan hte hkap shingla gasat ai hta tai maga na marai (3) si ai lam matut chye lu ai.

eedy